प्रधानमंत्री सूक्ष्म अन्न प्रक्रिया उद्योग योजना (PMFME) या  केंद्र शासन सहाय्यित योजने मध्ये नवीन व कार्यरत सूक्ष्म अन्न प्रक्रिया उद्योगांना बँक कर्जा शी निगडीत अनुदान दिले जाते. 

या योजनेमधून अन्नप्रक्रिया उद्योगांकरिता एकूण प्रकल्प खर्चाच्या जास्तीत जास्त ३५% अनुदान उपलब्ध आहे. त्यामध्ये वैयक्तिक ला जास्तीत जास्त 10 लाख रुपये अनुदान उपलब्ध आहे.

सर्व जाती, धर्म, स्त्री, पुरुष, ग्रामीण, शहरी लाभार्थी यांना सर्वांना ३५% अनुदान आहे.

तुम्हाला नवीन उद्योग करायचा असेल तर तुम्हाला अर्ज करता येईल किंवा कोणताही उद्योग आधीच अस्तित्वात व वापरात असेल, तर त्या उद्योगाचे विस्तारीकरण करण्यासाठी अर्ज करता येईल व विस्तारीकरण पूर्ण केल्यानंतर अनुदान सुध्दा मिळेल.

ही योजना भारत सरकारची खूप महत्वाकांक्षी योजना आहे. आधीच्या योजनांमधून लाभार्थ्यांना होणाऱ्या त्रासाचा अभ्यास करून असा त्रास होऊ नये यासाठी या योजनेची रचना केली आहे.

या योजने मधून अनुदानाचा लाभ मिळवण्यासाठी तुमचे बँकेमधून कर्ज मंजूर होणे आवश्यक आहे त्यासाठी आम्ही तुम्हाला सहाय्य नक्कीच करू पण त्यासाठी तुमचा सीबील स्कोअर चांगला असणे आवश्यक आहे. तसेच तुमचे आधीचे कर्ज असेल तरी चालेल पण सर्व कर्जाचे हफ्ते वेळेवर फेडलेले असणे आवश्यक आहे. 

तुम्हाला कोणताही फूड सेक्टर / अन्नप्रक्रिया उद्योग चालू करायचा असेल किंवा आधीचा उद्योग वाढवायचा असेल तर वेळ न घालवता लगेच खालील नंबर वर कंपनीशी संपर्क करा.